慳住電都可以涼浸浸 開冷氣要3「戒」

又到夏天，又係慳電大作戰嘅時候！尤其大熱天時經常開嘅冷氣機，如果使用上戒除一啲壞習慣，就可以慳到好多電㗎喇！

慳電第一「戒」：唔好返到屋企就即開冷氣

好多人一返到屋企即刻開大部冷氣對住自己吹，咁樣唔止好易病，仲好嘥電????！其實較理想嘅做法，係先打開窗，令室內外空氣流通，同時開風扇吹走物件上嘅熱力，等熱氣排出室外後再開冷氣，就可以減低壓縮機製冷嘅負擔。

慳電第二「戒」：唔好校風力到最低

好多人誤以為校低冷氣風力係慳電，其實唔啱㗎。因為調校冷氣嘅風力到最細嘅話，通過冷氣機全熱交換器嘅空氣量會減少，變相加重壓縮機嘅製冷負擔。所以，較慳電嘅做法應該係將冷氣機校喺最高風速檔，咁做除咗慳電，仲可以有助屋企嘅溫度同濕度去返一個理想嘅狀態㗎。

慳電第三「戒」：唔好開抽氣扇

開冷氣時應避免開動抽氣扇，否則冷氣長期被抽走，冷氣機就需要耗用更多電力製冷。

精選冷氣機低至65折