抽濕機慳電 洗隔塵網原來咁有用

香港天氣咁潮濕，抽濕機係好多屋企嘅防潮救星。但長開抽濕機耗電量大，點先可以慳電？

1. 定期清潔隔層網

保持抽濕機高效運作，慳電嘅秘技之一原來係部機夠乾淨！只要定期清潔抽濕機，特別是隔塵網，灰塵就唔會阻礙空氣流動，抽濕機就可用較短嘅時間達到理想嘅除濕效果，幫大家慳電啦！

2. 閂好門窗就係咁簡單

使用抽濕機時如果無閂好門窗，室外嘅濕氣好容易進入室內，影響抽濕嘅速度及效果，所以記得閂好門窗，呢個動作雖然簡單，但減少耗電量嘅效果好顯著㗎。

3. 抽濕機配合風扇使用

如果喺大客廳或大房抽濕，想提升抽濕機嘅效率，可以考慮配合埋風扇或循環扇使用，因為風扇可以促進室內空氣流動，加快抽走濕氣，達到慳電效果。

當然，揀得用亦要識得揀，能源標籤（右圖）就幫到你揀機啦：（1）優先考慮1級能源效益嘅型號，1級能源標籤嘅抽濕機比5級嘅慳咗超過4成電力㗎；（2）如果兩部機同樣係1級，可以進一步比較能源效益值（EF值），呢個數字愈高，就代表愈慳電；（3）睇埋抽濕量、每年耗電量等資料，抽濕量愈高，代表抽濕速度快。

快啲買部乾爽抽濕機返屋企