解開使用微波爐嘅謎思 安心使用又慳電

網上成日流傳關於微波爐嘅唔同謎思，今日同你揭曉究竟係咪真！

微波爐會叮走哂啲營養？

網上謠傳食物經微波爐加熱後會導致營養嚴重流失，轉用電蒸焗爐翻熱食物會較健康。其實目前絕大部分科學文獻都顯示微波爐與電蒸焗爐、傳統明火加熱，保留到嘅營養相若。微波爐屬於用電量最低嘅電爐具，而且最快捷，只要喺加熱前喺食物表面灑少少水，仲可以縮短加熱時間，更慳電兼減少水份蒸發。

微波加熱食物有害？

微波爐嘅輻射非常低，利用微波將食物嘅水分子震動，從而加熱及煮熟食物，唔會影響食物及人體。反而唔小心將某啲包裝直接放入微波爐叮，就會令食物受污染！例如，保鮮紙唔好冚實食物，特別係翻熱高脂或高糖食品，呢類食物喺加熱時會產生極高溫，令保鮮紙溶化污染食物；又例如，好多人貪方便將食物連包裝紙盒入微波爐加熱，呢類用蠟紙包裝嘅食物經微波加熱後會被蠟污染。

精選微波爐及焗爐