電磁爐 VS 電陶爐 點揀好？3個問題就知邊樣啱你多啲

問：嚟緊我諗住喺屋企煮團年飯，打算趁新年前裝修時一次過轉用電爐，究竟揀咩電爐好呢？究竟點先知邊款啱自己？

答：其實決定買咩爐好簡單，問自己3個問題：（1）有冇耐性等嘢食煮熟？；(2）屋企多唔多唔同類型嘅鍋具？；（3）屋企有冇小朋友？

如果想快啲煮好餐飯，可以揀電磁爐。因為佢加熱快，火力及溫度又可以隨意控制，短時間內煮好唔同菜式。不過，假如你本身有好多瓦煲、砂鍋或玻璃煲等鍋具，咁電陶爐就啱你多啲。因為任何平底鍋具都用到電陶爐，但電磁爐就要一啲底部有導磁力成份嘅鐵類鍋具，好似鑄鐵鍋、不鏽鋼鍋等呢啲先用到。如果屋企有小朋友嘅話，鍾意周圍跑又手多多，最好買電磁爐，因為除咗爐頭以外，其他地方都唔會辣手，唔驚小朋友易整親啦。

選購你的煮食好幫手