大掃除天然洗雪櫃大法

年廿八、洗邋遢，記得要執埋雪櫃！食物越積越多，久而久之會發出陣陣異味，假如唔用強烈清潔劑清洗，又可以點幫雪櫃大掃除？跟小編媽媽學識執雪櫃五步曲啦：

梳打粉、白醋、鹽、水，都是上好天然清潔劑，超市有售！清潔用品當然不可缺少，毛巾、海綿、牙刷等。集齊所有工具後，就可取出並清理雪櫃內的過期食物，最後拔掉電源。

先將層架等配件拆出，小編媽媽就鍾意用天然「醋鹽水」可取代洗潔精清潔，白醋既可除臭，鹽亦可消毒。按次序及1:2:3比例加入，緊記水一定要用冷開水。

用清潔海棉擦拭污漬、油漬，將雪櫃每個角落抹淨後，再用清水抹兩次「過水」。

通風柵都唔可以忽略，可用吸塵機清理，但絕對不要用濕布抹以免致生鏽！

雪櫃門邊好易有霉菌，可以用牙刷清洗，除了用「醋鹽水」，亦可以用牙膏。緊記清洗後都要用清水「過水」。

雖然市面有很多清潔劑非常方便，但始終化學成分多，用來清潔存放食材的雪櫃未必夠健康。其實檸檬、茶葉及咖啡渣都是天然辟味劑！將泡過的茶葉放置於冰箱內可消除異味，而咖啡渣放置乾燥後放進冰箱，亦可發揮與活性碳類似的除臭吸味功用。至於最常用的當然是檸檬，切開放進雪櫃已可吸除異味。

年廿八大家做個孝順仔女，幫媽媽手一齊執屋執雪櫃啦！