相信好多靚太都曾經被老公「詐型」廚房太多爐具！話說最近小編老公下令要我執廚房，將不常用的鍋爐捐出去或轉贈朋友。如果只可以留下一款煮食爐具，小編必定會揀蒸焗爐！話你知點解：
1. 功能多又慳位
一個座枱式蒸焗爐「爐仔細細」，有齊蒸煮、烤焗、燒烤 功能，最適合香港蝸居！
2. 菜式健康又好味
蒸焗爐可以控制煮食於指定溫度，煮肉類唔怕煮唔熟，又可保持口感嫩滑。好多人都覺得微波爐好方便，但小編好怕「翻叮」食物令水份流失，又有致癌可能性，而蒸焗爐不但健康，蒸氣更可令食物恢復水分！
3. 慳電慳錢
消委會曾比較電磁爐「隔水蒸」同蒸焗爐的用電量，發現蒸焗爐的耗電量比「隔水蒸」少一半！ 假設每日都用，以每度電$1.2計算，用蒸焗爐每年平均可慳$124電費。*如想更慳電，還可提早5分鐘熄機用餘熱煮熟食物。
選購小貼士：
- 爐內發熱線佔去部份空間，選購時留意實際容量而非機身尺寸
- 留意預熱時間，不同型號預熱時間可相差1倍
- 如家有小朋友，可考慮選擇備有兒童安全功能的蒸焗爐
289 view(s)