好多靚媽會問:買幾大個雪櫃好?除了價格、廚房尺寸外,問問自己以下3個問題,就會有答案:
1. 屋企有幾多人?
一般4人家庭揀雙門雪櫃已很夠用。如果家人經常一次過買多份量餸菜預先冷藏,或經常自製泡菜得需要冷藏的醃漬物,容量最大的對門式雪櫃就最適合。而且大多數對門式雪櫃有製冰、濾水等新功能,可按自己需要選購。
2. 屋企飲食習慣係點?
除咗雪櫃大小,實際容量及內裡間隔都很重要。選購前先想想家人飲食習慣,平日究竟多買邊種食物?蔬菜還是急凍食物?
3. 為荷包慳點應該點計?
如廚房夠位擺,建議選購一個大雪櫃,避免日後添加小雪櫃,慳錢又慳位,因為一個大雪櫃比兩個小雪櫃更節能。
順便教各位靚太睇能源標籤,1級能源標籤比5級慳電97%!
識得揀要揀變頻雪櫃,不但製冷速度較快,亦可保持在預計溫度,亦較傳統雪櫃慳電20%,而且摩打較寧靜,唔會「轟隆轟隆」。不過價格一般較高,選購時要計計數。
最後提提各位靚太,要預留空間畀雪櫃開門外,亦要預留空間畀雪櫃側面、背部、頂部散熱 、通風,以免雪櫃太熱容易故障!
雪櫃慳電保養懶人包:
- 待食物涼卻後才放入雪櫃,避免雪櫃負荷過重以致耗電。
- 食物及飲品應先蓋好才放入雪櫃,以免食物及飲品的水分令雪櫃壓縮器增加耗電。
- 部分型號的雪櫃需定期溶雪,請參考說明書指示。
- 定期用紙楔入門縫,檢查雪櫃門及鉸有否漏氣。如紙張可上下移動便需要更換密封墊,否則會令雪櫃比平時消耗多2-3倍的電力
精選雪櫃
165 view(s)