各位巴打絲打,識得揀要揀「速熱式電熱水爐」,因為冬天沖涼真係一個生死時速攞膽挑戰。話說小編死黨阿強成日唱「我是一個西伯利亞人,冬天的冠軍~」,佢成日好自豪話「10度?未驚過!」原來阿強屋企用開儲水式電熱水爐,25分鐘煲水,10分鐘就用完,鍛鍊到阿強咁強壯!
其實想沖涼舒舒服服,只要揀啱爐就得啦。究竟浴室電熱水爐分幾多種?一幅圖話你知:
既然大家都唔係西伯利亞人,不如考慮近年新品種「速龍」,即係速熱式電熱水爐,煲水速度快到好似速龍咁快,仲唔係「高速的冠軍」?
1. 冬天慢慢舒服沖涼
「速龍」加熱速度比傳統儲水式電熱水爐更快,加熱5分鐘,水溫已升20度!配合埋環保花灑頭,返到屋企開著個爐,煲熱成缸水,就可沖涼半個鐘*。
*需視乎入水溫度,花灑流量,沖涼習慣及個別電熱水爐型號表現等因素
2. 慳水又慳錢
「速龍」水壓穩定,配合空氣噴射式(Air Jet)環保花灑頭,出水少咗但沖涼一樣舒適,同時慳水、慳電又慳錢!唔信?小編就用一個4人家庭例子同你計一計,一年電費慳1000蚊!
3. 沖涼不再忽冷忽熱
有人會質疑「搞咁多嘢,用氣體爐咪可以熱水長開長有」,留意返:氣體爐有位置限制,加上水壓亦有機會令到氣體爐時開、時熄,沖涼時水溫忽冷忽熱,令人非常困擾。相反,電熱水爐無此問題,沖涼更舒服。
最後醒你安裝懶人包:
一般電功率:3kW、使用電流14A
- 需要獨立線路,不能使用插頭
- 接駁需要用2.5mm粗電線
- 電箱需要20A灰士(保險絲)獨立開關
- 接駁漏電斷路器
- 安裝電熱水爐,須由註冊電業工程人員進行
- 如安裝或更改電力線路,需核對並保留註冊電業工程人員發出的「完工證明書」(WR1)
熱水爐推介
194 view(s)