夏天日日三十幾度,準備定部冷氣機,對抗炎夏,但成年無開冷氣,部機一開陣陣霉味傳入鼻超難頂;較到低溫都唔夠凍,唔通冷氣機壞咗,要換新機?
原來唔係!香港人太忙成日唔記得洗冷氣,2018年浸大研究團隊發現人體死皮經抽風裝置進入冷氣機,分解後長期積聚就會傳出臭味*!另外,留喺機身、隔塵網嘅塵埃會減少冷氣機入風量,增加冷氣機製冷時間,令耗電量上升。定期清潔冷氣機,可以助慳電30%**。想慳電節能?學識以下3個清潔冷氣小習慣,今個夏天歎冷氣又涼又安心!
小習慣 1:
隔咗成年無開冷氣,開冷氣前可以用花灑配清水,清洗隔塵網同外罩嘅塵垢,然後1比99稀釋漂白水,用噴壺消毒冷氣機內部金屬片,噴漂白水後等30至60分鐘,開着風扇功能就可以令漂白水味道變淡。漂白水對機身金屬片影響不大,開冷氣後就會被冷氣機產生嘅水滴帶走,仲可順便清理去水喉位嘅霉菌!
小習慣 2:
定期清洗隔塵網,最好每2星期洗一次,用花灑向下沖水就OK,記得千祈唔好刷洗隔塵網,隨時會令隔塵網嘅孔變大,影響隔塵功能。
小習慣 3:
每次開完冷氣,一凍一熱後,無論冷氣機身內外,抑或房內牆身,都會有「倒汗水」,日頭濕熱天氣,成「養菌」好時機,夜晚再開冷氣,細菌就會周圍走。唔想病,記得要勤力用1比99稀釋漂白水清洗風槽隙縫及有倒汗水嘅位置。
最後提提大家,如果冷氣機使用五年以上,自己又無經常清洗,可以趁炎夏嚟到之前搵專業冷氣清洗公司「拆機」,全面清潔一次。
精選冷氣
- FTXA35AV1H+RXA35AV1H 1.5 匹 橙光420 冷暖變頻分體式冷氣機 (包基本室內安裝)Special Price $10,435.00 正常價格 $12,040.00
- FTKA20BV1H+RKA20BV1H 3/4 匹 藍光420變頻淨冷分體式冷氣機 (包基本室內安裝)Special Price $6,889.00 正常價格 $8,980.00
- FTXM22SV1N+RXM22SV1N 3/4 匹 變頻冷暖溫濕雙控掛牆分體式冷氣機 (包基本室內安裝)Special Price $10,189.00 正常價格 $13,280.00
- FTXM28SV1N+RXM28SV1N 1 匹 變頻冷暖溫濕雙控掛牆分體式冷氣機(包基本室內安裝)Special Price $10,467.00 正常價格 $13,880.00
- FTXM36SV1N+RXM36SV1N 1.5 匹 變頻冷暖溫濕雙控掛牆分體式冷氣機 (包基本室內安裝)Special Price $13,456.00 正常價格 $17,880.00
- FTXM50SV1N+RXM50SV1N 2 匹 變頻冷暖溫濕雙控掛牆分體式冷氣機(包基本室內安裝)Special Price $19,522.00 正常價格 $25,680.00
- FTXM60SV1N+RXM60SV1N 2.5 匹 變頻冷暖溫濕雙控掛牆分體式冷氣機 (包基本室內安裝)Special Price $25,733.00 正常價格 $32,480.00
- FTXM71SV1N+RXM71SV1N 3 匹 變頻冷暖溫濕雙控掛牆分體式冷氣機 (包基本室內安裝)Special Price $30,011.00 正常價格 $37,880.00
424 view(s)