塵埃濕氣引發漏電驚險小故事　5大家居安全用電貼士

是咁的，上星期六小編真係被小編媽媽嚇死，廚房插頭突然冒煙！好在有驚無險大家都安全無事。細看之下原來「元兇」就係積聚好耐無清理的塵埃，加上廚房經常有濕氣引發漏電。事後小編不嫌其煩再同媽媽講，一定要記得以下5大家居安全用電小貼士：

好多時靚太打掃都忽略睇唔到的地方，大型電器例如雪櫃、電視機後面的插頭就係其中一個例子，日積月累好易積聚過多塵埃，容易造成電線短路，引發意外。

當積塵遇上濕氣就更容易漏電！煮食時的熱氣會令廚房充滿水霧，如果無妥善處理可能導致短路。建議可開抽氣扇讓空氣流動。使用電飯煲等電器後，應用布抹乾水氣，減低風險。

小編知好多人屋企細，但一定要預留足夠空間予電器散熱，周圍避免擺放雜物！電視雪櫃等則忌貼牆放，避免陽光直接照射。

唔好以為電線損壞好小事，其實隨時會漏電！如有損壞要立即更換或以電線膠布包著。如家中有養小動物，亦要留意小動物會否咬電線，以免發生意外！

雖然電暖爐暖笠笠令人唔想郁，但記得唔可以長期吹著同一地方，以免過熱，使用8-10小時要關掣休息一段時間，以免機件故障。

學識安全用電小知識，參加埋中電「智能積賞」獎賞計劃做慳電達人，慳上加慳！