天氣潮濕，一點點黑色的霉菌又出現！除咗開抽濕機，仲有咩環保天然方法可抗潮、KO霉菌？
1. 洗衣機用白醋防霉
洗衣機表面乾淨，但由於衣物的污垢、洗衣粉及柔順劑均會殘留在洗衣機的洗衣槽內，日積月累就滋生細菌、霉菌，黴菌孢子有機會依附於衣物上，引起皮膚過敏！
記得要定時用白醋加水洗清洗衣機的膠邊，而滾桶可以加入一杯白醋於洗衣槽內，再以一般模式運作洗衣機，完成一個洗衣程序後，再只用清水連行一次一般模式便可。記得要打開洗衣機門吹乾水份，就可以防止霉菌積聚。
2. 絲襪吸天花霉塵
牆身的霉菌及塵好多人都識清理，天花的霉塵又如何？將放滿棉花的絲襪綁在掃把上，由天花板中央慢慢掃向牆邊，絲襪產生的靜電會吸走霉菌。
3. 牙膏刷縫隙
舊牙刷記得唔好丟掉，用嚟打掃一流！只要在牙刷蘸少少牙膏，無論是刷瓷磚縫隙、廚房小家電的膠邊小縫隙，用牙刷擦兩擦就可以輕易KO污漬同霉菌。
4. 勤開電器KO縫隙水氣
電飯煲、電熱水煲經常殘留水氣，長期唔開動，就會出現黑色一點點霉菌，不單影響外觀，更影響健康！經常使用的電器，應定時清潔；如果非經常使用的電器，應用乾布將水氣抹乾，保持乾爽就唔會有霉菌滋生！
214 view(s)